"Ювентус" ярим ҳимоячиси пул талаб қилмоқда

"Ювентус" ва ярим ҳимоячи Сами Хедира шартномани бекор қилиш борасида ўзаро музокара олиб бормоқда.

Журналист Никола Скира берган маълумотга кўра, 33 ёшли футболчи битимни бекор қилиш учун Турин клубидан 3 млн евро товон пули сўрамоқда.

Германиялик футболчининг "Юве" билан шартномаси 2021 йилга қадар амал қилади ва унинг маоши йилига 6 млн еврони ташкил этади.

Аввалроқ, Россиянинг "Зенит" клуби Хедирани ўз сафига қўшиб олмоқчи эканлиги ҳақида хабар берган эдик.