"Ювентус" ёзда Погбани сотиб олишга уруниб кўради

Туриннинг "Ювентус" клуби ёзда "Манчестер Юнайтед"дан ўзининг собиқ футболчиси Поль Погбани қайтариб олишга уруниб кўради. Бу ҳақда AS нашри хабар бермоқда.

Эслатиб ўтамиз, бундан аввалроқ Погбага шунингдек "Реал"дан ҳам қизиқишлар бўлаётгани ҳақида хабарлар тарқалган эди.  Айнан “қироллик клуби” франциялик футболчи учун биринчи рақамли даъвогар ҳисобланади. Бироқ, “Ювентус” унинг агенти Мино Райола билан боғланишга ҳаракат қилмоқда.

Маълумот учун, Погба жорий мавсум МЮ сафида 37та ўйинда майдонга тушди ва 14та гол ҳамда 11та голли узатмага муаллифлик қилди.