"Ювентус" ёзда ПСЖнинг асосий ҳимоячисини сотиб олмоқчи

ПСЖ клубининг асосий ҳимоячиларидан бири Маркиньос фаолиятини Италия А Сериясида давом эттириши мумкин.

Tuttosport нашрининг хабар беришича 24 ёшли бразилиялик футболчига "Ювентус"дан жиддий қизиқишлар пайдо бўла бошлаган. Таъкидлаш керакки, унинг парижликлар билан амалдаги шартномаси 2022 йилга қадар имзоланган.

Маълумот учун, Маркиньос жорий мавсум Франция чемпионатида 28та ўйинда иштирок этди ва 3та гол ҳамда 2та голли узатмага муаллифлик қилди.