"Ювентус" ёзда сотиб юбормоқчи бўлган футболчисига янги шартнома тайёрлаб қўйди

"Ювентус" ҳужумчи Пауло Дибала билан шартномани узайтиришни режалаштирмоқда.

Яқин кунлар ичида туринликлар 26 ёшли форвард мутасаддилари билан музокараларга киришиш ниятида, дея хабар  бермоқда Goal.com нашри.

Ўтган ёзда аргентиналик футболчи "Юве"ни тарк этиши мумкин эди, унга "Манчестер Юнайтед" ва "Тоттенхэм" клублари томонидан қизиқишлар бўлган эди.

Аммо жорий мавсумда Дибала Маурицио Сарри билдирган ишончни оқлашда давом этмоқда, шу сабабли туринликлар ҳамкорликни узайтиришга қарор қилишди.