"Ювентус"га Гвардиола келмоқда, бунга Аллегри ҳам шаъма қилди
Туриннинг "Ювентус" клуби бош мураббийи Массимилиано Аллегри ўзининг ўрнига "Манчестер Сити" устози Хосеп Гвардиола келишига шаъма қилди.
“Манчестердан мураббий келиши яқин”, - дейди италиялик мутахассис мухлислар томонидан берилган саволга жавобан.
Эслатиб ўтамиз, бундан аввалроқ айрим ОАВ вакиллари Гвардиола “Ювентус” билан 4 йиллик шартнома борасида келишувга эришгани ҳақида хабарлар тарқатган эди. Бироқ, кейинчалик “шаҳарликлар” ушбу хабарни инкор этишди.
Таъкидлаш керакки, бундан аввалроқ Аллегри мавсум якунлангач жамоадан кетишини маълум қилган эди.
Фикрлар