"Ювентус"га қарши ўйинда "Женоа" дарвозабони Роналдуни чалғитишга уринди, бироқ уддалай олмади

"Ювентус" ҳужумчиси Криштиану Роналду "Женоа"га қарши баҳсда (3:1) Маттиа Перин қўриқлаётган дарвозаси томон белгиланган иккита пенальтини аниқ амалга оширди.

Португалиялик футболчи биринчи 11 метрли жарима тўпини дарвозанинг марказига йўллади. Иккинчи пенальти олдидан генуяликлар посбони Криштиануга яна дарвоза марказига зарба йўллаши ҳақида савол бериб ("Бу сафар ҳам марказгами?"), уни чалғитишга уринди.

Бироқ, Роналду иккинчи пенальтида тўпни дарвозанинг юқори чап бурчагига йўллади ва голкиперга қараб "сен қаёққа кетиб қолдинг, Перин?", - дея жавоб берди.