"Ювентус"га сиғмай қолган футболчи Мадрид клубига ўтиш арафасида

Федерико Бернардески фаолиятини Испания чемпионатида давом эттириши мумкин. Бу ҳақда "AS" нашри хабар бермоқда. 

Маълум бўлишича, "Атлетико" 28 ёшли ярим ҳимоячи билан шартнома имзолашга ҳаракат қилиб кўрмоқда. У айни вақтда эркин агент ҳисобланади. 

Федерико "Ювентус" сафида 5 мавсум ўтказди ва 3 маротаба Италия чемпионига айланди. Шунингдек, икки бора Италия кубоги ва бир бора суперкубок ғолибига айланди. 

У Турин клуби сафида жами 183 та учрашувда иштирок этган.