"Ювентус"нинг асосий ҳужумчиси коронавирусни енга олмаяпти. Энди нима бўлади?

Туриннинг "Ювентус" клуби форварди Пауло Дибала сўнгги 1,5 ой ичида 4 марта коронавирусни аниқлаш бўйича тест топширди.

Football Italia нашри тарқатган хабарга кўра, 26 ёшли аргентиналик футболчи ҳали ҳам ушбу вирусдан тўлиқ фориғ бўлмаган. Унинг сўнгги марта топширган тести ҳам мусбат натижа берган. Энди Дибала катта эҳтимол билан вирус томонидан ишлаб чиқарилган антикорларнинг мавжудлигини таҳлил қилиш учун қон топширади.

Дибалада Covid-19 вируси илк бор 21 мартда аниқланган эди. Ушбу вирус унинг севгилиси Ориана Сабатинида ҳам аниқланган.