Замонамизнинг энг зўр ҳужумчиси номи айтилди. У Мбаппе эмас!

Франциялик собиқ футболчи Вильям Галлас ҳозирги пайтда жаҳон футболида энг зўр футболчи кимлигини айтди.

- Килиан Мбаппе “Реал”да гол ура бошлаганига қарамай, бугунги кунда жаҳоннинг энг зўр ҳужумчиси Эрлинг Холанд, - деди Вильям Галлас.

Эрлинг Холанд 2022 йилнинг ёзидан бери “Манчестер Сити” шарафини ҳимоя қилиб келмоқда. Норвегиялик гигант манчестерликлар сафида шу пайтга қадар 102 та учрашувда рақиблар дарвозасини  97 маротаба ишғол қилди.

Холанд янги мавсумни ҳам жуда сермаҳсул бошлади. Англия Премьер-лигасининг дастлабки тўрт учрашувида ўз номига еттита гол ёздириб қўйди.