Зарруҳ Адашевни муҳим жанг кутмоқда. Сана ва рақиб маълум

UFCдаги вакилимиз Зарруҳ Адашевнинг навбатдаги жанг санаси ва рақиби аниқ бўлди. Бу ҳақда унинг ўзи "Инстаграм"даги саҳифасида маълум қилди.

"Шартнома имзоланди. 8 май куни жуда кучли ва тажрибали жангчи Раян Бенойитга қарши фаолиятимдаги энг муҳим жангим. Ушбу жангда барчаси ҳал бўлади. Биздан ҳаракат, Худодан барокат!", - дея ёзиб қолдирди спортчи. 

Аввалроқ, Зарруҳ Адашев промоушендаги иккинчи жангини хитойлик Су Мудаердзига қарши ўтказиб, ҳакамлар қарорига кўра, мағлуб бўлганди.