Зидан Барселона

"Реал" бош мураббийи Зинедин Зидан Испания чемпионати 29-тури доирасида "Валенсия" устидан қозонилган ғалаба ва "Барселона"нинг "Севилья" билан бўлиб ўтадиган баҳси ҳақида ўз фикрлари билан ўртоқлашди.

"Барча ўйинлар қийин кечади. "Валенсия" учрашувнинг биринчи соатини жуда яхши ўтказди. Аммо биз вазиятдан чиқиб, 3 очкони муносиб қўлга киритдик.  Вазиятни қўлга олганимиздан сўнг бизни мағлуб этиш осон бўлмайди.

Мен доим жамоам ҳақида бош қотираман. Рақобатчиларимиз нималар қилаётгани билан ишим йўқ. "Барселона" ва "Севилья" ўртасидаги ўйинни кузатмайман, аммо каталонияликлар ушбу қарама-қаршиликда муваффақиятсизликка учрашишига ишонмайман", - дейди Зидан.

"Реал" 29 турдан сўнг "Барселона" дан икки очко ортда қолган ҳолда Ла Лига турнир жадвалида иккинчи ўринни банд этиб турибди

Матнда хатолик топсангиз, ўша хатони белгилаб, бизга жўнатинг (Ctrl + Enter)