Зидан: Бензема "Реал" учун ҳамиша муҳим футболчи бўлиб келган

"Реал" бош мураббийи Зинедин Зидан жамоа ҳужумчиси Карим Бензема борасида ўз фикрини билдириб ўтди.

“Бензема “Реал” учун ҳамиша муҳим футболчи бўлиб келган. Ҳозир у аввалгидан кўра кўпроқ гол урадиган бўлди. Лекин, у шу кунгача ҳам жамоага катта фойда келтирган. Жамоа унинг учун ҳам муҳимлигини Карим билади”, - дейди Зидан.

Маълумот учун, 31 ёшли франциялик футболчи жорий мавсум “Реал” сафида 48та ўйинда майдонга тушди ва ўз ҳисобига 26та гол ҳамда 10та голли узатма ёздириб қўйишга эришди. Унинг клуб билан амалдаги шартномаси 2021 йилга қадар имзоланган.