Зидан: Диас менинг режаларимга кирмайди

"Реал" Мадрид клуби бош мураббийи Зинедин Зидан жамоа ҳужумчиси Мариано Диас унинг режаларига кирмаслигини айтди.

“Диас менинг режаларимга кирмайди. У биз билан шуғулланяпти ва мен таркибни шакллантиришим керак. Нима бўлишини кейин кўрамиз”, - дейди франциялик мутахассис.

Маълумот учун, “Реал” Диасни бундан роппа-роса бир йил муқаддам “Лион”дан сотиб олган эди. У ўтган мавсум 22та ўйинда иштирок этди ва 5та гол уришга эришди. Унинг клуб билан амалдаги шартномаси 2023 йилга қадар имзоланган.