Зидан ўйнатмаган футболчини Англия грандлари талашмоқда

“Реал” асосий таркибига кира олмасдан ижара асосида “Арсенал” шарафини ҳимоя қилаётган ярим ҳимоячи Мартин Эдегор фаолиятини Англияда давом эттириш имкониятига эга бўлмоқда.

Зинедин Зидан келаси мавсумда ҳам норвегиялик футболчига ишонч билдирмаслигини маълум қилди ва клуб раҳбариятига уни сотиб юбориш учун рухсат берди.

Ўз навбатида, биринчи ўринда “Арсенал” Эдегор билан узоқ муддатли шартнома қилиб, юқори ўринлар учун курашадиган жамоани айнан унинг атрофида қурмоқчи.

Энди Зиданга керак бўлмай қолган истеъдодли ярим ҳимоячини “Челси” ва “Ливерпуль” ҳам ўз таркибида кўришни истамоқда.

“Арсенал” эдегор учун 35 миллион евро таклиф қилмоқда. Мадридликлар эса, бу ўйинчи ни 58 миллион еврога баҳолаган. Бу сумма “канонирлар”га оғирлик қилади, лекин “Челси” ва “Ливерпуль” учун ортиқча муаммо эмас.