Зидан Погбадан нега юз ўгирди?

“Реал” янги мавсум олдидан таркибни кучайтириш мақсадида Поль Погбани олишни режалаштирган эди. Бироқ, Зинедин Зидан ўз ҳамюртини таклиф қилиш фикридан қайтди. Бунга кўп жиҳатдан Погбанинг 150 миллион еврога баҳоланаётгани сабаб бўлди.

Мадридликлар машҳур футболчи ўрнига клуб тизимида юрган уругвайлик Федерико Вальвердени юлдуз даражасига кўтармоқчи.

22 ёшли ярим ҳимоячи 2016 йили “Пеньярол”дан олиб келинган. Бир неча мавсум “Реал Кастилья” ва ижара асосида “Депортиво”да тўп сурган футболчи ўтган мавсумда “Реал”нинг асосий жамоасидан муқим ўрин эгаллади.

Зиданнинг ишончини оқлаб келаётган Федерико 33 та учрашувда иккита тўп киритди.  Истеъдодли ярим ҳимоячи 22 ёш бўлишига қарамай, Уругвай ва Испания чемпионлигига сазовор бўлди.

Матнда хатолик топсангиз, ўша хатони белгилаб, бизга жўнатинг (Ctrl + Enter)