Зидан қачон истеъфога чиқарилиши маълум бўлди

“Реал” бош мураббийи Зинедин Зиданнинг “курсиси қимирлаб” қолган. Бу ҳақда COPE нашри хабар бермоқда.

Унга кўра, “Қироллик клуби” президенти Флорентино Перес жамоа ЕЧЛ гуруҳ босқич сўнгги туридан ўрин олган “Боруссия” Мюнхенгладбахга қарши ўйинда мағлуб бўлса, франциялик мутахассисни истеъфога чиқармоқчи. Агар шундай ҳолат юз берса, “Реал” Чемпионлар лигаси плей-офф босқичига чиқа олмайди.

“Реал” футболчилари Зидан учун курашмоқчи ва унинг истеъфоси юз бермаслиги учун қўлларидан келганча ҳаракат қилмоқчи.

Бундан аввалроқ, мадридликлар раҳбарияти Зидан ўрнига Рауль ёки Маурисио Почеттинони олиб келишни режалаштираётгани ҳақида хабарлар тарқалган эди.