Зидан "Реал"да "Лион" футболчисини кўрмоқчи

"Лион" ярим ҳимоячиси Танги Ндомбеле “Реал” Мадриднинг қизиқишлар доирасига кириб қолди.

El Confidencial нашрининг маълум қилишича 22 ёшли футболчининг хизматларига шахсан “қироллик клуби” бош мураббийи Зинедин Зидан қизиқиб қолган ва уни ўз жамоаси сафида кўришни хоҳламоқда.

Эслатиб ўтамиз, бундан аввалроқ Ндомбелега ПСЖ, "Ювентус", "Манчестер Сити" ва "Барселона" каби жамоалардан жиддий қизиқишлар бўлаётгани ҳақида хабарлар тарқалган эди.

Маълумот учун, Ндомбеле жорий мавсум “Лион” сафида жами 39та ўйинда майдонга тушди ва ўз ҳисобига 2та гол ҳамда 7та голли узатма ёздириб қўйишга эришди. Унинг клуб билан амалдаги шартномаси 2023 йилга қадар имзоланган.