Зидан "Реал"дан кетиши мумкин

"Реал" Мадрид клуби дарвозабони Лука Зидан фаолиятини бошқа жамоада давом эттириши мумкин.

El Confidencial нашри тарқатган хабарга кўра 20 ёшли франциялик футболчини Швейцариянинг "Базель" клуби ўз сафида кўрмоқчи.

Эслатиб ўтамиз, Зиданнинг “қироллик клуби” билан амалдаги шартномаси ёзда ўз ниҳоясига етади.

Маълумот учун, Зидан “Реал” тарбияланувчиси ҳисобланади. У мадридликларнинг асосий жамоасида 2017 йилдан буён тўп суриб келмоқда. Бироқ, у ўтган 2 йил давомида бор йўғи 2та ўйинда иштирок этди ва ўз дарвозасидан 4та гол ўтказиб юборди.