Зидан “Реал”дан қачон кетиши аниқ бўлди

Зинедин Зидан мавсум якунланиши билан “Реал”ни тарк этишга қарор қилган, деб хабар тарқатмоқда Diario Gol нашри.

Маълумотларга қараганда, франциялик мутахассис “Қироллик клуби” раҳбариятини натижалар қандай бўлишидан қатъи назар, ёзда ўз ишини топшириши ҳақида огоҳлантирган. Бунга сабаб сифатида Зидан клубда ўзини ноқулай ҳис қилаётгани айтилмоқда.

“Реал” раҳбарияти янги мавсум олдидан Зиданга берган ваъдаларини бажармади. Келишувга кўра, ёзги трансферлар вақтида Зиданга ўзи сўраган футболчилар – Садио Мане, Поль Погба ва Эдуардо Камавингани олиб беришни ваъда қилишган. Бироқ, “Қироллик клуби” ёзги трансферлар вақтида бирорта ҳам харидни  амалга оширмади.

Шунингдек, франциялик мураббийга клуб салбий натижаларга уни айбдор қилаётганидан ҳам норози бўлмоқда.

Клуб хўжайини Флорентино Перес ҳам Зинедин Зиданнинг кетишига қаршилик қилмаслигини билдирган.