Зидан "Реал"ни бошқариш бўйича дель Боскега етиб олди

Кеча “Валенсия”га (4:1) қарши кечган ўйин Зинедин Зидан учун “Реал” бошқарувидаги 153-ўйин бўлди.

Франциялик мутахассис “Қироллик клуби”да энг кўп ўйин бошқарган мураббийлар рейтингида Висенте дель Боскега тенглашди ва 2-ўринга кўтарилиб олди. Олдинда фақат Мигель Муньос бормоқда. У “Реал” бош мураббийи сифатида 424 та ўйин бошқарган.

“Реал” Зидан бошқарувидаги ўйинларда 104 та ғалаба, 30 та дуранг ва 19 та мағлубият қайд этган.