Зидан техникаси энг зўр футболчи номини айтди

Франциялик футбол афсонаси Зинедин Зидан миллионлар ўйини тарихида техник жиҳатдан энг истеъдодли бўлган ўйинчи номини айтди.

Зиданнинг таъкидлашича, футбол техникасида ҳамюрти Тьерр Анрига тенг келадиган ўйинчи йўқ.

- Роналдиньо – ўзига хос ўйинчи. Лекин Тьерри Анри бу ажойиб ўйинни ўйнаган футболчилар орасида техник жиҳатдан энг қобилиятлиси бўлган, - деди Зинедин Зидан.

Анри футболчилик фаолияти давомида “Монако”, “Арсенал”, “Барселона”, “Ювентус”, “Нью-Йорк Ред Буллз” жамоалари шарафини ҳимоя қилган.

Клублар миқёсида Франция, Англия ва Испания чемпиони бўлган.

Франция терма жамоаси сафида 123 та учрашувда 51 та тўп киритган Тьерри Анри жаҳон ва Европа чемпиони ҳисобланади.