Zidan texnikasi eng zo‘r futbolchi nomini aytdi

Frantsiyalik futbol afsonasi Zinedin Zidan millionlar o‘yini tarixida texnik jihatdan eng iste’dodli bo‘lgan o‘yinchi nomini aytdi.

Zidanning ta’kidlashicha, futbol texnikasida hamyurti Terr Anriga teng keladigan o‘yinchi yo‘q.

- Ronaldino – o‘ziga xos o‘yinchi. Lekin Terri Anri bu ajoyib o‘yinni o‘ynagan futbolchilar orasida texnik jihatdan eng qobiliyatlisi bo‘lgan, - dedi Zinedin Zidan.

Anri futbolchilik faoliyati davomida “Monako”, “Arsenal”, “Barselona”, “Yuventus”, “Nyu-York Red Bullz” jamoalari sharafini himoya qilgan.

Klublar miqyosida Frantsiya, Angliya va Ispaniya chempioni bo‘lgan.

Frantsiya terma jamoasi safida 123 ta uchrashuvda 51 ta to‘p kiritgan Terri Anri jahon va Evropa chempioni hisoblanadi.