Zidanga yoqmagan yana bir futbolchi “Real”dan ketadi

Zinedin Zidan jamoada o‘ziga kerak bo‘lmagan futbolchilardan birin-ketin qutilmoqda. Endi bosh murabbiy braziliyalik iqtidor egasi Vinisius Juniordan ham voz kechishga qaror qildi.

Zidan 20 yoshli hujumni asosiy tarkibning muqim o‘yinchisi qilishni istamayapti. Futbolchining o‘zi ko‘proq o‘yin amaliyotiga ega bo‘lishni xohlayapti.

“Qirollik klubi” Vinisiusni Kilian Mbappe transferi doirasida PSJga ijaraga berishni rejalashtirmoqda. Parijliklar esa, uning shartnomasini to‘liq sotib olmoqchi.

Vinisius ham o‘z hamyurti Neymar bilan birga o‘ynash maqsadida bu transferga rozilik bergan.