Зиданнинг келиши Дешамга боғлиқми?

Зинедин Зидан Дидье Дешамнинг ўрнини эгаллаши мумкин.
"L'Équipe" нашри хабарига кўра, Дешам Франция футбол федерацияси (FFF) билан шартномасини узайтиришга тайёр.

Бироқ "Евро-2024"гача эмас, балки, кейинги мундиалгача шартнома таклиф қилинсагина бунга рози. Жамоа устози кейинги жаҳон биринчилигида ҳам "уч ранглилар" билан иштирок этмоқчи.

Зидан Дешамнинг Франция билан келажаги борасидаги расмий қарорини кутмоқда. Январ ойида FFF раҳбари Ноэль Ле Гре 54 ёшли мутахассис билан учрашиб, унинг келажагини муҳокама қилади.

Эслатиб ўтамиз, Дидье Дешам қўл остида Франция 2018 йилда жаҳон чемпиони, 2021 йилда Миллатлар Лигасида ғолиб чиқди. Шунингдек, "Евро-2016" ва "ЖЧ-2022" финалида иштирок этди.