Зиданнинг "ёқимтойи" "Реал" билан шартномани узайтиради

El Mundo Deportivo нашри хабарига кўра, "Реал" ярим ҳимоячи Каземиро билан шартномани узайтириш бўйича келишувга эришди.

Томонлар янги келишув шартлари бўйича бир қарорга келиб улгуришди ва шу сабаб яқин вақтлар ичида бу ҳақида расман хабар берилиши кутилмоқда.

Жорий мавсумда "Реал" либосида 25 та ўйинда майдонга тушган бразилиялик футболчининг клуб билан амалдаги шартномаси 2023 йил ёзигача амал қилар эди.