Ziesh Saudiyaning boshqa klubiga o‘tishi mumkin

"Chelsi" a’zosi Hakim Ziesh "An-Nasr" futbolchisiga aylanishi mumkin edi. Tomonlar kelishuvga erishib bo‘lgandi. Futbolchining o‘zi ham Saudiyaga yo‘l olishga tayyor edi. Ammo tibbiy ko‘rikdan o‘ta olmagani uchun bu transfer barbod bo‘ldi. 

Insayder Ben Jakobs xabar berishicha, Ziesh Saudiyaning boshqa bir klubiga o‘tishi mumkin. Unga ayni paytda "Al-Ahli" qiziqish bildirmoqda. 

Eslatib o‘tamiz, "Al-Ahli" Allan Sen-Maksimen va Riyod Mahreslarni o‘z tarkibiga qo‘shib olishga yaqin turibdi. Bundan tashqari, Roberto Firmino ham ushbu klubda to‘p tepmoqda.