Зинченко Украина терма жамоасида рекорд ўрнатмоқчи
“Манчестер Сити” ярим ҳимоячиси Александр Зинченко Украина терма жамоаси сафида энг кўп ўйин ўтказиш бўйича рекорд ўрнатмоқчилигини айтди.
Таъкидлаш керакки, бу борадаги рекорд Анатолий Тимощукка тегишли. У жами 144та ўйинда терма жамоа шарафини ҳимоя қилган. Зинченко ҳисобида эса ҳозирча 24та ўйин бор.
“Мен Анатолий Тимошукнинг рекордини янгиламоқчиман. Бунинг учун биз барча мусобақаларда имкон қадар кўпроқ қатнашишимиз керак. Биз бунга ҳаракат қиламиз”, - дейди Зинченко.
Эслатиб ўтамиз, Зинченко илк бор терма жамоага 2016 йилнинг октябрида чақирилган эди. У шунингдек Украина терма жамоаси сафида гол урган энг ёш футболчи ҳисобланади.
Комментарии