Златан қачон "Милан"га ёрдам бера олади?

“Милан” бош мураббийи Стефано Пиоли жамоа тўпурари Златан Ибрагимович қачон сафга қайтишини айтди.

Унинг сўзларига кўра, 39 ёшли швециялик футболчи “Женоа”га қарши ўйингача соғаяди. Айтиш керакки, ушбу беллашув 16 декабрь куни бўлиб ўтади.

Ибрагимович жорий мавсум А Сериянинг 6 та баҳсида иштирок этди ва ўз ҳисобига 10 та гол ҳамда 1 та голли узатма ёздириб қўйишга эришди. “Милан” эса 27 очко билан мусобақа жадвалида 1-ўринда бормоқда.