Зўр дарвозабон мана шундай бўлади!
“Манчестер Юнайтед” дарвозабони Давид де Хеа Англия премьер-лигасининг бешинчи турида “Лестер”га қарши ўтказилган учрашувда ўз дарвозаси дахлсизлигини сақлаб қолди.
Бу учрашув испаниялик голкипер учун 133-қуруқ ўйин бўлди. Де Хеа бу кўрсаткичи билан “Манчестер Юнайтед” тарихида премьер-лигада энг кўп қуруқ учрашув ўтказган киперга айланди. 31 ёшли посбон ҳамкасби Эдвин ван дер Сарнинг 132 та голсиз ўйиндан иборат рекордини йўққа чиқарди.
“Манчестер Юнайтед” моҳир дарвозабонни 2011 йили “Атлетико”дан трансфер қилган эди. Шундан бери Давид барча турнирларда 491 та учрашувда майдонга тушиб, 167 маротаба ўз дарвозаси дахлсиздигини сақлаб қолган.
Давид де Хеа ўтказиб юборган голлар сони эса 536 тани ташкил қилмоқда.
Фикрлар