Зоран Марушич нега "Нефтчи"га ўтганини айтди

Яқинда Фарғонанинг "Нефтчи" жамоасига кўчиб ўтган ҳужумчи Зоран Марушич  кичик интервью берди.

“Нефтчи” Ўзбекистоннинг энг таниқли клубларидан бири сифатида бой тариҳга, мустаҳкам анъаналарга, содиқ мухлислар армиясига эга жамоа ҳисобланади. Бу клубга ўтишимга унинг менга самимий қизиқиши ва амбисиялари сабаб бўлди. 

Ишончим комилки, янги мавсум биз учун муҳим синов ва юксалиш даври бўлади. Фарғона футболи ҳақли равишда турнир жадвалида биринчи ўринда туриши керак ва буни исботлаш учун ҳамма ишни қиламиз.

Мухлисларимизга мурожаат қилмоқчиман. Стадионга албатта келинг, ҳар бир учрашувда бизни қўллаб-қувватланг. Сизнинг мададингиз биз учун ниҳоятда муҳим. Биргаликда ҳамжиҳат бўлиб  биз ҳамма нарсага эриша оламиз", - деди Марушич. 

Эслатиб ўтамиз, 31 ёшли футболчи 2024 йилда "Насаф" билан чемпион бўлди.