Alba o‘rniga Alaba

Kataloniyaning "Barselona" klubi o‘zining tajribali himoyachisi Jordi Albaga munosib o‘rinbosar qidirishni boshlab yubordi.

Football Espana nashri tarqatgan xabarga ko‘ra “ko‘k-anor ranglilar” 29 yoshli futbolchining yoshidan kelib chiqib ayni damda uning katta maosh evaziga shartnomani uzaytirishi borasidagi talabini qondirmasliklari mumkin. Shu bois ular Alba jamoadan ketgan taqdirda uning o‘rniga “Bavariya”dan David Alabani olib kelishmoqchi. Ushbu transfer katta ehtimol bilan kelasi yoz amalga oshirilishi mumkin.

Ma’lumot uchun, Albaning “Barselona” bilan amaldagi shartnomasi 2020 yilda o‘z nihoyasiga etadi.