"Arsenal" rahbariyati O‘zilni nega transferga qo‘ymoqchi?

Londonning "Arsenal" klubi rahbariyati yarim himoyachi Mesut O‘zilning tez orada jamoadan ketishi mumkinligini inkor etmayapti.

The Independent nashri tarqatgan xabarga ko‘ra 30 yoshli germaniyalik futbolchining bosh murabbiy Unai Emeri bilan munosabatlariga sovuqchilik tushgan. Shu bois u yanvarda transferga qo‘yilishi mumkin.

Ma’lumot uchun, O‘zil “Arsenal”ga 2013 yil “Real”dan ko‘chib o‘tgan edi. U joriy mavsum “kanonirlar” safida 14ta o‘yinda maydonga tushdi va o‘z hisobiga 4ta gol hamda 2ta golli uzatma yozdirib qo‘yishga erishdi. Uning amaldagi shartnomasi esa 2021 yilga qadar imzolangan.