“Buxoro” murabbiysiz qolmoqda yoxud Ulug‘bek Baqoev Qozog‘iston klubini boshqarishi mumkin

“Buxoro” klubi bosh murabbiyi Ulug‘bek Baqoev Qozog‘istonda ish boshlashi mumkin. Bu haqda Qozoq saytlari xabar bermoqda.

Manbalarda yozilishicha, 38 yoshlik mutaxassis Qozog‘iston Premer-Ligisi klublaridan biri bilan muzokaralar olib bormoqda. Hozircha Baqoev aynan qaysi jamoani boshqarishi mumkinligi borasida ma’lumotlar yo‘q.

Ma’lumot o‘rnida, hamyurtimiz Qozog‘istonda 4 marta chempionatning eng yaxshi to‘purari, 2 bor "Sports.kz" talqiniga ko‘ra mavsumning eng yaxshi futbolchisi deb topilgan. “Tobol” klubi bilan 2010 yil Premer-Liga, 2017 yil esa Qozog‘iston Kubogi va Intertoto Kubogini qo‘lga kiritgan.