FIFA penalti tepish qoidalariga o‘zgartirish kiritmoqchi

FIFA futbol qoidalariga o‘zgartirishlar kiritish haqida bosh qotirmoqda. Hozirda tashkilot mutasaddilari penalti tepish qoidalarining yangi variantini ko‘rib chiqmoqda.

Unga ko‘ra, penalti amalga oshirilgandan so‘ng, darvozabon qaytargan yoki to‘singa tegib qaytgan to‘pga futbolchilarning qayta tegishi mumkin bo‘lmaydi.

Agar yangi qoidaga amalga kiritiladigan bo‘lsa, penalti noaniq amalga oshirilganda (agar darvozabon qaytarsa yoki to‘singa tegib qaytsa) himoyalanayotgan jamoa to‘pni erkin zarba bilan o‘yinga kiritadi.