Iguain "Milan"da qaysi raqamni tanladi? (FOTO)

Kecha “Yuventus”dan “Milan”ga ko‘chib o‘tgan ikki futbolchi – Gonsalo Iguain hamda Mattia Kaldaralar yangi jamoalarida o‘zlari uchun raqam tanlashdi.

Unga ko‘ra 30 yoshli argentinalik futbolchi o‘tgan mavsum Andre Silva to‘p surgan 9-raqamni tanlagan bo‘lsa, 24 yoshli italiyalik futbolchi o‘ziga 33-raqamni tanladi. Ta’kidlash kerakki, 33-raqamda bundan avval braziliyalik mashhur himoyachi Tiago Silva to‘p surgan edi.