JCh-2018 kiritilgan gollar soni bo‘yicha tarixda uchinchi bo‘ldi

Xabaringiz bor kecha “Lujniki” stadionida bo‘lib o‘tgan Frantsiya hamda Xorvatiya (4:2)terma jamoalari o‘rtasidagi uchrashuvdan so‘ng JCh-2018ga rasman yakun yasaldi.

BBC tarqatgan xabarga ko‘ra Rossiya yashil maydonlarida o‘tkazilgan mundialning barcha 64ta uchrashuvida darvozalar tomon jami 169ta gol kiritilgan. Bu esa jahon chempionatlari tarixidagi eng ko‘p gol urilgan mundiallar reytingida uchinchi natija sifatida qayd etildi.

Ma’lumot uchun, bu boradagi eng yaxshi natija JCh-1998 hamda JCh-2014ga tegishli. Ushbu ikkala mundialda jami 171ta gol urilgan.