"Liverpul" uchun yozgi transferlar mavsumi yakunlandi

"Liverpul" klubi bosh murabbiyi Yurgen Klopp jamoaning yozgi transferlar kampaniyasi yakunlarini ma’lum qildi.

"Roma" darvozaboni Alisson "qizillar"ni bu yozdagi Nabi Keyta, Fabino va Jerdan Shakiridan so‘ng to‘rtinchi xaridi bo‘ldi.

- Kelasi mavsum uchun barchasini tayyorlab bo‘ldik, shuning uchun boshqa transferni amalga oshirmaymiz. Bu ishonchim komil.

- Men bu transferlardan ko‘nglim to‘ldi. Qolgan vaqtni endi yangi mavsumga tayyorgarlik bilan o‘tkazamiz. Klub bizga fantastik imkoniyatlar bermoqda va bundan foydalanishimiz kerak. Eng yaxshi jamoa emasmiz, ammo eng yaxshi o‘yinimizni namoyish etib, bunga erishishimiz mumkin, - deydi Klopp klub matbuot xizmatiga.