Makgregor Meyvezerga qarshi jang uchun rasman tayyorgarlikni boshladi

Engil vazn toifasida UFCning sobiq chempioni Konor Makgregor amerikalik bokschi Floyd Meyvezerga qarshi jang uchun rasman tayyorgarlikni boshladi.

• Makgregor Meyvezerga qarshi jangni sabrsizlik bilan kutyapti

Bu haqda The Sun nashri aralash janglar sport ustasining murabbiyi Jon Kavanagning so‘zlariga tayanib xabar qilgan. Mutaxassisning so‘zlariga ko‘ra, jang shu yilning o‘zidayoq tashkil qilinadi.

– O‘ylaymanki, jang albatta, tashkil qilinadi. Hozir biz shuning harakatidamiz, ammo bunga to‘sqinlik qiladigan bir qancha narsalar ham yo‘q emas. Men bu yil jang o‘tkazilishiga ishonaman. Odamlar nima desa ham o‘zlari biladi, biz mashg‘ulotlarni boshlaganmiz, – deydi Kavanag.