Mats Xummels Shvetsiyaga qarshi o‘yinni o‘tkazib yuboradi

Germaniya terma jamoasi bosh murabbiyi Yoaxim Lyov so‘zlariga ko‘ra, Bundestim himoyachisi Mats Xummels bugun JCh-2018 “F” guruhi ikkinchi turida Shvetsiya bilan bo‘ladigan uchrashuvni o‘tkazib yuboradi.

Futbolchi mashg‘ulotlar vaqtida bo‘ynidan jarohat olganligi bunga sabab bo‘lmoqda. Mazkur bahsda Xummels o‘rniga Antonio Ryudriger maydonga tushishi kutilmoqda.

– Shvetsiya termasiga qarshi o‘yinda Xummels maydonga tushmaydi. O‘yingacha u sog‘ayib ulgurmaydi, – deydi Lyov.

Eslatib o‘tamiz, o‘yin Toshkent vaqti bilan soat 23:00da start oladi.