Novak Jokovich germaniyalik tennischiga dars berdi

Serbiyalik tennischi Novak Jokovich ATP yakuniy turnirining guruh bahslaridagi navbatdagi uchrashuvini germaniyalik Aleksandr Zverevga qarshi o‘tkazdi.

Hozirgi kunda dunyoning birinchi raqamli tennischisiga aylangan Novak, Aleksandr ustidan 6:4, 6:1 hisobida g‘alaba qozondi.

Shu tariqa, Jokovich guruhdagi ikkinchi g‘alabasini qo‘lga kiritdi va yarim final yo‘llanmasini naqd qildi. Zverev esa o‘z hisobiga ilk mag‘lubiyatni yozib qo‘ydi. U ilk uchrashuvda g‘alaba qozongan edi.