PSJ “Everton” futbolchisi uchun 25 mln evro sarflashga tayyor

Frantsiya chempioni PSJ jamoasi joriy transfer mavsumida “Everton” yarim himoyachisi Idrissa Guyeni o‘z safiga qo‘shib olmoqchi.

Parijliklar senegallik 29 yoshli futbolchi uchun 25 million evro sarflashga tayyor, ammo “Everton” ko‘proq pul talab qilmoqda.

Tomas Tuxelning asosiy transfer maqsadi “Napoli” vakili Allan edi, ammo neapolliklar uni 100 million evrodan kamga sotmasligi ma’lum bo‘ldi. Shu sababli, PSJ o‘z e’tiborini Guyega qaratmoqda.