Professional bokschilarimiz navbatdagi janglarga qizg‘in tayyorgarlik ko‘rishmoqda (foto)

Xabaringiz bor, bir qator professional bokschilarimiz Rossiyaning nufuzli promousheni RMKA bilan shartnoma imzolagan edi.

Hozirgi kunga kelib, ushbu bokschilarimiz orasida Ravshan Umurzoqov, Mirzohid Abdullaev g‘alabali odimlarini davom ettirayotgan bo‘lsalar, yana bir necha nafar bokschimiz Rossiya ringlarida ilk janglarini o‘tkazishga hozirlik ko‘rishmoqda. Yaqin kunlarda bokschilarimiz o‘zlarining navbatdagi janglarini o‘tkazadi.

Jumladan, Jaloliddin O‘ktamov 18 aprel Ravshan Umurzoqov, Sardor Muzaffarov 22 aprel, Stepan Partnov va Azamat Ergashev 4 mayda o‘tkaziladigan janglarga tayyorgarlik ko‘rishmoqda.

Mashg‘ulotlarni O‘zbekiston professional boks federatsiyasi bosh direktori Nabijon Ismonov va rossiyalik murabbiylar birgalikda janglarga optimal holatda etib borishlari uchun harakat qilishmoqda.