Rakitich yozda "Barselona"dan ketadi

"Barselona" yarim himoyachisi Ivan Rakitich mavsum yakuniga etgach kataloniyaliklar safini tark etishi mumkin. Bu haqda Le 10 Sport nashri xabar tarqatmoqda.

Yuqoridagi manbaaga ko‘ra “ko‘k-anor ranglilar” rahbariyati kelgusi yoz 30 yoshli xorvatiyalik futbolchining transferi bo‘yicha takliflarni qabul qilishga tayyor.Uning jamoadagi o‘rnini esa "Ayaks" xavbeki Frenki de Yong egallashi kutilmoqda.

Eslatib o‘tamiz, bundan avvalroq Rakitich Kataloniyadagi uyini sotuvga qo‘ygani va farzandlarini frantsuz maktabiga bergani haqida xabarlar tarqalgan edi. Aytish lozimki, unga PSJdan jiddiy takliflar bo‘lmoqda.