Rossiyalik biznesmen “Milan”ni sotib olishi mumkin

"Monako" klubi xo‘jayini Dmitriy Ribolovlev Italiyaning "Milan" klubini sotib olishni ko‘zlamoqda. Bu haqda Calciomercato nashri xabar tarqatdi.

Yuqoridagi manbaaning yozishicha rossiyalik biznesmen bu borada “rossonerilar”ning amaldagi xo‘jayini xitoylik Li Yunxong bilan muzokaralar o‘tkazmoqda. Ta’kidlash kerakki, ushbu jamoa ayni damda moliyaviy qiyinchiliklarga duch kela boshlagan.

Eslatib o‘tamiz, bundan avvalroq UEFA moliyaviy feyr-pley qoidasini buzgani uchun “Milan”ni 2 yilga evrokuboklardan chetlatgan edi.