Sardor Rashidov ertaga yangi jamoasida debyut qiladimi?

Xabaringiz bor hamyurtimiz Sardor Rashidov bundan bir necha kun avval Portugaliyaning “Nasonal” klubi bilan shartnoma imzolagan edi.

Ertaga esa Portugaliya Primeyra ligasida navbatdagi 19-tur uchrashuvlari bo‘lib o‘tadi.  “Nasonal” esa safarda “Moreyrense” mehmoni bo‘ladi. Shunday ekan ertaga o‘zbekistonlik futbolchi yangi jamoasi safida debyut qilishi mumkin.

Ma’lumot uchun, “Moreyrense” - “Nasonal” jamoalari o‘rtasidagi bahs Toshkent vaqti bilan soat 00:00da boshlanadi.

Mezbonlar ayni damda musobaqa jadvalida 28 ochko bilan 7-o‘rinni egallab turgan bo‘lsa, mehmonlar hisobida 19 ochko bor va ular mos ravishda jadvalning 14-pog‘onasidan joy olishgan.