Shavkat Mullajonov va Kamoliddin Murzoev yangi mavsumni “Olmaliq”da boshlashi mumkin

4 yanvardan “Olmaliq”ning yangi mavsum tayyorgarligi doirasidagi ikkinchi yig‘ini boshlandi. Bu haqda klub rasmiy sayti xabar bermoqda.

Kechagi mashg‘ulotlarda 19 nafar futbolchi ishtirok etdi. Dekabr oyida o‘tkazilgan ilk yig‘in yakunida bir qator futbolchilarga javob berilgandi.

Tarkib o‘zgarishlari bu yig‘in arafasida ham davom etdi. Doniyor Ismoilov Bekobodning “Metallurg” jamoasiga o‘tgan bo‘lsa, qozog‘istonlik Temirlan Erlanovga javob berildi. Jamoa safiga jarohatdan forig‘ bo‘lgan Roman Abdulov, o‘tgan mavsumni “Buxoro”da o‘tkazgan Shavkat Mullajonov va Kamoliddin Murzoev hamda “Navbahor”dan Qahramon Muhamedjonov kabilar qo‘shilishdi.