"Valensiya" Chicharito uchun 8 mln evro taklif qilmoqda

Londonning "Vest Xem" klubi forvardi Chicharito joriy qishki transferlar davrida yana Ispaniyaga qaytishi mumkin.

Marca nashri tarqatgan xabarga ko‘ra "Valensiya" hamon meksisalik hujumchini o‘z safiga qo‘shib olish umidida yuripti. “Ko‘rshapalaklar” buning uchun “bolg‘achilar”ga 8 mln evro taklif qilishmoqda. Biroq, “Vest Xem” Chicharitoning transfer narxini 12-14 mln evro atrofiga baholamoqda.

Ma’lumot uchun, Chicharito joriy mavsum APLda jami 15ta o‘yinda maydonga tushdi va o‘z hisobiga 4ta gol hamda 3ta golli uzatma yozdirib qo‘yishga erishdi.