Yarmolenko yarim yil "Vest Xem"ga yordam berolmaydi

Londonning "Vest Xem" klubi vingeri Andrey Yarmolenkoning jarohati kutilganidan jiddiy bo‘lib chiqdi.

Klub rasmiy sayti tarqatgan xabarga ko‘ra 28 yoshli ukrainalik futbolchi jarrohlik amaliyotini boshdan kechirgan va endi u kamida 6 oy maydonga tusha olmaydi.

Eslatib o‘tamiz, Yarmolenko “Vest Xem” safiga yozda Dortmundning “Borussiya” klubidan 20 mln evro evaziga sotib olingan edi. U joriy mavsum “bolg‘achilar” safida 10ta o‘yinda ishtirok etib, o‘z hisobiga 2ta gol hamda 1ta golli uzatma yozdirib qo‘yishga erishgan.