Yoaxim Lyov: Mag‘lubiyat uchun barcha birdek javobgar

Germaniya terma jamoasi bosh murabbiyi Yoaxim Lyov kecha Millatlar ligasining 3-turidan o‘rin olgan Gollandiyaga (3:0) qarshi bahsda uchralgan yirik mag‘lubiyatdan so‘ng o‘z fikrlarini bildirib o‘tdi.

“Agar biz 1:0 hisobida yutqazganimizda buni oddiy tushunsa bo‘lardi. Lekin, o‘yin so‘nggida o‘tkazib yuborilgan 2ta gol natijani daxshatli ko‘rinishga keltirib qo‘ydi. Qachonki jamoa bunday o‘yin ko‘rsatsa, barcha birdek javobgarlikni o‘z bo‘yniga olishi kerak, shu jumladan bosh murabbiy sifatida men ham”, - deydi Lyov.