A Seriya. "Yuventus" yangi futbolchilarning goli evaziga g‘alaba qozondi

A Seriyaning 24-turidan o‘rin olgan "Yuventus" - "Verona" uchrashuvi yakuniga etdi. Ushbu bahsda mezbonlar 2:0 hisobida g‘alabani qo‘lga kiritdi.

O‘yindagi gollarga 13-daqiqada Dushan Vlaxovich mualliflik qilgan bo‘lsa, 61-daqiqada Denis Zakariya hisobni 2:0 ko‘rinishiga keltirib qo‘ydi.

Shu tariqa, "Yuventus" ochkolari sonini 45taga etkazib, turnir jadvalida 4-o‘ringa ko‘tarilib oldi.

"Verona"ning ochkolari soni 33taligicha qoldi va klub jadvalda 9-pog‘onadan o‘rin egallagan.