Abbosbek Fayzullaev: Maqsadim - "Barselona"da o‘ynash, lekin "Real"dan taklif tushsa...

O‘zbekiston milliy terma jamoasi va Moskvaning TsSKA klubi hujumkor yarim himoyachisi Abbosbek Fayzullaev PulNews YouTube kanaliga bergan intervyusida yoqtirgan futbolchisi va klubi haqidagi savolga javob berdi.

-Messi yoki Ronaldu?

-O‘yin jihatidan Messi, xarakter jihatidan Ronaldu ko‘proq yoqadi.

-“Barselona” yoki “Real”?

-“Barselona”. Chunki bu jamoaning o‘yinlarini ko‘p ko‘rganman.

-Markaziy Osiyodagi eng qimmat futbolchisiz. Qaysi jamoada to‘p surishni orzu qilasiz?

-Maqsadim, Evropaning kuchli beshlik chempionatlaridan birida top jamoada o‘ynash. Asosiy maqsadim “Barselona”da to‘p tepish. Agar “Real”dan taklif tushsa, albatta o‘tardim (kuladi).

Eslatib o‘tamiz, 20 yoshli hujumkor futbolchimizning ayni damdagi transfer narxi 6 million evroni tashkil qilmoqda. Shu tariqa, O‘zbekiston milliy terma jamoasi futbolchisi Abbosbek Fayzullaev birinchi marotaba Markaziy Osiyoning eng qimmatbaho o‘yinchisiga aylandi.